කොළඹ විශ්වවිද්‍යාලයීය පරිගණක අධ්‍යයනායතනයේ ආරම්භක අධ්‍යක්ෂ පිළිබඳ ඇගයීම

Prof. VK Samaranayaka painting

මහාචාර්ය විද්‍යා ජෝති වී. කේ. සමරනායක මහතා
(1937-2007)
ආරම්භක අධ්‍යක්ෂ,
කොළඹ විශ්වවිද්‍යාලයීය පරිගණක අධ්‍යයනායතනය

1939 මැයි මස 22 වන දින උපත ලද වන්නිආරච්චිගේ කිත්සිරි සමරනායක මහතා සිය මූලික අධ්‍යාපනය හදාරනු ලැබුවේ තම පියා විදුහලිපති ලෙසත් මව ගුරුවරියක ලෙසත් කටයුතු කරන ලද රාජගිරිය හේවාවිතාරන විද්‍යාලයෙනි. 1948 වසරේදී ආනන්ද විද්‍යාලයට ඇතුළු වූ ඔහු පසුව 1950දී තරඟකාරී විභාගයක් මඟින් රාජකීය විද්‍යාලයට ඇතුළත් විය.

ආනන්ද විද්‍යාලය හා රාජකීය විද්‍යාලය යන පාසල්වලින් සිය ද්විතීයික අධ්‍යාපනය නිම කළ මහාචාර්ය වී. කේ. සමරනායක මහතා, විද්‍යාව පිළිබඳ උපාධියක් හැදෑරීම සඳහා 1956දී ලංකා විශ්වවිද්‍යාලයට ඇතුළත් විය. ගණිතය පිළිබඳ විශේෂ උපාධියක් හැදීරීම සඳහා ඔහුව තෝරාගැනුනු අතර 1961දී පළමු පන්තියේ ගෞරව උපාධියක් හිමිකර ගත්තේය.

1963දී සිය පශ්චාත් උපාධි අධ්‍යයන කටයුතු සඳහා රාජ්‍ය ශිෂ්‍යත්වයක් ලබා ගෙන ලන්ඩනයේ ඉම්පීරියල් විශ්වවිද්‍යාලයට ඇතුළත් වූ මහාචාර්ය සමරනායක මහතා ඉන් අනතුරුව, ලන්ඩනයේ යුනිවර්සිටි කොලේජ් වෙත ඇතුළත් වී වාර්තාගත කාලයකින් සිය ආචාර්ය උපාධිය සම්පූර්ණ කර 1966දී නැවත සිය මව්බිමට පැමිණියේය. 1974දී, ඔහුගේ විශිෂ්ට ශිෂ්‍යත්වය පිළිගැනීමක් වශයෙන්, කොළඹ විශ්වවිද්‍යාලය විසින් එහි ඉහළම අධ්‍යාපන තනතුර වන ගණිතය පිළිබඳ මහාචාර්ය ධුරයට පත් කෙරෙන විට ඔහු 35වන වියේ පසු වූ අතර 1984දී ඔහු ගණිතය පිළිබඳ ජ්‍යේෂ්ඨ මහාචාර්යවරයෙකු ලෙස පත් කරන ලදී. 1996දී පරිගණක විද්‍යාව පිළිබඳ අලුතින් නිර්මාණය කරන ලද මහාචාර්ය පදවිය හිමි කර ගත් පළමු ජ්‍යේෂ්ඨ මහාචාර්යවරයා ලෙස ඇගයුම් ලැබූ ඔහු 2004දී විශ්‍රාම ගැනීමෙන් අනතුරුව කොළඹ විශ්වවිද්‍යාලයෙන් ගෞරව සහිතව විශ්‍රාමලත් මහාචාර්යවරයා ලෙස තේරී පත් විණි. විශ්වවිද්‍යලයේ පරිගණක විද්‍යාව පිළිබඳ ගෞරව සහිතව විශ්‍රාම ලත් මහාචාර්ය පදවි නාමයෙන් පිදුම් ලැබීමෙන් ලද පිළිගැනීමත් සමඟ, ඉන් අනතුරුව පැවති උපාධි ප්‍රධානෝත්සවයේදී විද්‍යාව පිළිබඳ ආචාර්ය උපාධි ගෞරවය ඔහුට ප්‍රදානය කරන ලදී.

ඔහු ජාතියට ඉටු කරන ලද දැවැන්ත සේවාව මෙන්ම ශාස්ත්‍රඥයෙකු හා පරිපාලකයෙකු වශයෙන් ඔහුගේ කීර්තිමත් වෘත්තිය චර්යාව අගය කිරීම පිටු කිහිපයකට සීමා කිරීමට නොහැකි බැවින්, ඔහුගේ කීර්තිමත් වෘත්තියේ සුවිශේෂ සන්ධිස්ථාන කිහිපයක් සංක්ෂිප්ත කර පහතින් දැක්වේ.

Read More

  • 1987 – 1999 ඔහු ශ්‍රී ලංකාවේ පරිගණක හා තොරතුරු තාක්ෂණ කවුන්සිලයේ (CINTEC) සභාපති ධුරය හෙබවීය. මෙම කාල පරිච්ඡේදය තුළ, 1997 – 2000 දක්වා විද්‍යා හා තාක්ෂණ ඒකාබද්ධ හා පර්යේෂණ කටයුතු පිළිබඳ ජනාධිපති කාර්ය සාධක බලකායේ සහ 1998 – 2000 දක්වා වන කාලය තුළ ශ්‍රී ලංකා ජාතික Y2K කාර්ය සාධක බලකායේ සභාපති ධුරය දැරීමේ වගකීම ද ඔහුට පැවරිණි.
  • 1992 – තොරතුරු විද්‍යාව පිළිබඳ වන ජාත්‍යන්තර ඔලිම්පියාඩ් තරඟාවලිය (IOI) වෙත හතරදෙනා බැගින් වන කණ්ඩායම් යැවීම සඳහා CINTEC අරමුදල් යෙදවීමෙන් ඔහු පරිගණක වැඩසටහන්කරණය සඳහා ශ්‍රී ලාංකික පාසල් ළමුන් සහභාගී කරවීම ආරම්භ කළේය.
  • 1995දී, ශ්‍රී ලංකාවේ අන්තර්ජාල සේවාව ආරම්භ කිරීම සඳහා කඩිනම් සාකච්ඡා සිදු කිරීමට ඔහු උපකාර කළේය. 1996 වසරේදී ශ්‍රී ලංකාවට LEARN සහ අන්තර්ජාල සම්බන්ධතාව ගෙන එන ලද්දේ මෙම සාකච්ඡාවල අවසන් ප්‍රතිඵලයක් වශයෙනි.
  • පරිගණක පුහුණු සංවිධානයට (ACTOS), මෘදුකාංග කර්මාන්තයට (SLASI), සහ පරිගණක විකුණුම්කරුවන්ට (SLCVA) අවැසි පරිදි තොරතුරු තාක්ෂණය සැකසීමට ඔහු උපකාරී විය. ඔහු මෙම සමාගම් වෙනුවෙන් තොරතුරු තාක්ෂණ කර්මාන්ත ඒකාබද්ධ සංගමයෙහි (FITIA) ආකාරයට Umbrella සංවිධානය ද නිර්මාණය කළේය.
  • 1984දී ඔහු කොළඹ විශ්වවිද්‍යාලයේ පරිගණක විද්‍යා අධ්‍යයන පීඨය ගොඩනැගීමට සමත් විය. ගණිත අධ්‍යයනාංශය තුළ ඇති සංඛ්‍යාන ඒකකය, සංඛ්‍යාන පරිගණනය සහ දත්ත සැකසුම් මධ්‍යස්ථානය සමඟ මූලාරම්භය ගනිමින්, 1985දී ශ්‍රී ලංකාවේ ප්‍රථම වරට සංඛ්‍යාන හා පරිගණක විද්‍යා අධ්‍යයනාංශයක් ඇති කිරීමට හැකි බව විශ්වවිද්‍යාලයට ප්‍රථමයෙන් ඒත්තු ගැන්වූයේ මහාචාර්ය සමරනායක මහතා විසිනි. ඉන්පසු 2002දී කොළඹ විශ්වවිද්‍යාලයීය පරිගණක අධ්‍යයනායතනයේ (UCSC) ස්වරූපයෙන් විශ්වවිද්‍යාල පද්ධතියේ පළමු අධ්‍යයනාංශය නිර්මාණය කිරීම ආරම්භ කළේය.
  • 2000 වර්ෂයේ ආරම්භයේදී මහාචාර්ය සමරනායක මහතා නව්‍ය තොරතුරු තාක්ෂණ (BIT) බාහිර උපාධි පාඨමාලාව දියත් කිරීමත් සමඟ ශ්‍රී ලංකාවේ තොරතුරු හා සන්නිවේදන තාක්ෂණ මානව සම්පත් කළමනාකරණයේ තවත් වැදගත් සන්ධිස්ථානයක් සනිටුහන් කළේය. වාණිජකරණය අධ්‍යාපනයේ ගුණාත්මක භාවයට තර්ජනයක් වන යුගයක, සිසුන්ට කොළඹ විශ්වවිද්‍යාලයීය උපාධියක ඇති ගෞරවය හැරුණු විට, තොරතුරු හා සන්නිවේදන තාක්ෂණ අධ්‍යාපනය ප්‍රමිතිකරණය කිරීමේ ඍජු නොවන නමුදු වඩාත් අභිමත ප්‍රතිඵලයක් BIT පාඨමාලාව සතුව ද පවතී.
  • තොරතුරු හා සන්නිවේදන තාක්ෂණ මානව සම්පත්වල ධාරිතාව ඉහළ නැංවීම සඳහා වූ ඔහුගේ උනන්දුව කොළඹ විශ්වවිද්‍යාලයේ මෙම විෂය පථය කෙරෙහි ඔහු විසින් සපයන ලද තනි දායකත්වයෙන් වඩාත් පැහැදිලිව දැකගත හැකිය. එය ශ්‍රී ලංකාවේ සමස්ත විශ්වවිද්‍යාල පද්ධතිය තුළ හා ඉන් පිටත ප්‍රදර්ශකයක් බවට පත් කර තිබේ. බුද්ධි ගලනයට හේතු වන තොරතුරු හා සන්නිවේදන තාක්ෂණයේ මානව සම්පත් සංවර්ධනය උදෙසා ආයෝජනය කිරීම ද විශාල අවදානමකි. විශේෂයෙන්ම විශ්වවිද්‍යාලයේ පුහුණු පීඨයකදී මහාචාර්ය සමරනායක මහතාගේ පුළුල් දැක්ම සහ අසීමිත විශ්වාසය වඩාත් පැහැදිලිව දැකගත හැකි වන්නේ මෙහි දීය. 1970 දශකයේදී සංවර්ධිත රටවල් විසින් වඩාත් ඕනෑකමින් තොරතුරු සන්නිවේදන තාක්ෂණ මානව සම්පත් සංවර්ධනයට පිවිසෙමින් සිටි යුගයක, මහාචාර්ය සමරනායක මහතා කොළඹ විශ්වවිද්‍යාලයේ තොරතුරු හා සන්නිවේදන තාක්ෂණ මානව සම්පත් සංවර්ධනය උදෙසා සියලු දේශීය හා විදේශීය අරමුදල් යොමු කිරීමේ සිය ගවේෂණය ආරම්භ කළේ අනුග්‍රහය සැපයූ පරිත්‍යාගශීලීන්ගෙන් ලත් ඉතා සුළු අරමුදල් සමඟිනි.
  • මෙරට තොරතුරු හා සන්නිවේදන තාක්ෂණ ක්ෂේත්‍රය කෙරෙහි ඔහු සිදු කළ විශිෂ්ට දායකත්වය අගයමින් ජාතික සම්මාන කිහිපයකින් ඔහු පිදුම් ලැබීය. එනම්, 1986දී ශ්‍රී ලංකාවේ විශිෂ්ටතම පුරවැසියාට හිමි සිංහ සමාජ රන් පදක්කම, 1996දී එවකට අග්‍රාමාත්‍යවරිය ලෙස කටයුතු කළ සිරිමාවෝ බණ්ඩාරනායක මැතිනියගේ 80වැනි ජන්ම දින සැමරුමේදී හිමි වූ විශ්ව ප්‍රසාදිනී සම්මානය, සහ 1998දී හිමි වූ ජනාධිපති සම්මානය යනාදියයි.
  • 2004 දෙසැම්බර් මස තොරතුරු තාක්ෂණ සතියක් ප්‍රකාශයට පත් කළ රජය, මහාචාර්ය සමරනායක මහතාගේ පැසසුමට භාජනය විය. සිය අකල් වියෝව තෙක්ම ඔහු අන්තර්ජාතික තොරතුරු තාක්ෂණ සමුළුවේ සභාපතිවරයා ලෙස කටයුතු කළේය.

Read Less